ZORAM TODAY| Aizawl 28th May, 2024 (Tue): Chief Minister Lalduhoma chuan a facebook account ah thuchhuah siamin, "Remal Cyclone avanga chhiatna tuarte chhawmdawl nan Mizoram sawrkar chuan ₹.15 Crore kan ruahman a, mitthite chu ex-gratia ₹.4 lakh zel pek an ni ang," a ti.

"Aizawl District Bawrhsap Conference Hall (DDMA Control Room) ah Home Minister Pu K. Sapdanga, Chief Secretary Dr. Renu Sharma, Pi K. Lalrinzuali, Secretary, DM &R, Pu Vanlaldina Fanai, Commissioner & Secretary to CM, Pi Nazuk Kumar, DC Aizawl, Pi R. Lalrodingi, OSD to CM leh DDMA official pawimawh dang te nen kan thukhawm mek a. Mizoram hmun hrang hranga ruah leh thli vanga chhiatna thleng video leh thlalakte kan thlir hova,  chhanchhuahna thawh dan leh tanpuina pek thuai dan tur te kan sawiho," tiin a tarlang bawk.